Во кафуле во Будимпешта роботи носат кафе и ги забавуваат гостите (ВИДЕО)

Во кафулето коешто го отворила компанијата „E-Szoftverfejleszto“ во унгарската престолнина Будимпешта, цел тим роботи помагаат јавноста да се зближи со технолошките достигнувања во автоматизацијата и вештачката интелигенција.

Добивај вести на вибер

Роботите-келнери се движат по означени патеки додека носат храна и пијалоци за гостите, кои не смеат да им застануваат на патот. Некои роботи служат за забава, како што е рецепционерката Pepper, која разговара со гостите, но ако посакаат може и да танцува со нив.

Pepper ја разви јапонската компанија Softbank, а морала да биде модификувана за да може да ги слуша гостите во бучното кафуле. Судејќи според онлајн коментарите, на гостите им се допаѓаат лудориите на Pepрer и немаат замерки на услугите на нејзините колеги роботи.

И покрај стравот дека се поголемата автоматизација и развојот на вештачката интелигенција ќе им ја земат работата на луѓето, роботите во кафулето во Будимпешта не ја одземаат никому работата. „Всушност, вработивме двапати повеќе луѓе отколку порано затоа што за 16 до 20 роботи да работат од 9 наутро до 21 часот мора да имате експерти во позадина” велат од Enjoy.