За разлика од другите крипто‑валути, оваа на Facebook ќе биде приврзана за американскиот долар за да ја минимизира својата нестабилност.
Социјалната мрежа Facebook развива сопствена крипто‑валута со која корисниците на месенџерот WhatsApp ќе можат да извршуваат парични трансфери, пренесе Bloomberg, цитирајќи информирани извори.
За разлика од другите крипто‑валути, оваа на Facebook ќе биде приврзана за американскиот долар за да ја минимизира својата нестабилност. Во почетокот, од новата дигитална валута ќе имаат корист потрошувачите во Индија.
Во моментов, Facebook развива стратегија за крипто‑валутата, вкл. планови за депозитни средства во заедничка валута, за да се обезбеди нејзината стабилност.
Апликацијата за размена на криптирани пораки, WhatsApp ужива голема популарност во Индија, каде што се користи од повеќе од 200 милиони луѓе. Покрај тоа, земјата е светски лидер во парични трансфери – само во 2017 година, Индијците испратиле 69 милијарди долари во својата татковина.
Факторот за одлуката на Facebook е, исто така, бројот на интернет корисници во земјата. Индија, со своите 480 милиони потрошувачи, отстапува само пред Кина по овој индикатор. Сé уште не е познато кога компанијата ќе го лансира својот проект во земјата.