Мистериозен астероид испратен од друга цивилизација се движи кон земјата? (ВИДЕО)

Првиот меѓуѕвезден објект некогаш виден во нашиот соларен систем би можел да биде вонземскo соларнo јадро испратено од друга цивилизација во потрага по знаци за живот, се тврди во студијата на Harvard Smithsonian Center for Astrophysics (CfA).

Добивај вести на вибер

Оумуамуа стигнала во нашиот Сончев систем во октомври 2017 година. НАСА потврди дека набљудувањата на нејзиниот вселенски телескоп Хабл покажале дека објектот има „неочекувано зголемена брзина на движење и поместување на неговиот пат низ внатрешноста на Сончевиот систем“.

Научниците заклучуваат дека астероидот можеби е „електрично јадро од вештачко потекло“ што се напојува од сончевото зрачење.

Истражувањата покажуваат дека ако се земе предвид вештачкото потекло, тогаш постои веројатност Оумуамуа да е електрично јадро што лебди во меѓуѕвездениот простор како резултат на напредна технолошка опрема.

„Можно е Оумуамуа да е активна компонента на вонземска технологија што дошла да го истражува нашиот Сончев систем, на ист начин на кој ние се надеваме да ја истражуваме Алфа Кентаур користејќи Starshot и друг слични технологии“, вели професор Абрахам Леб кој го спроведе истражувањето заедно со Шмуел Бијали.

Друга опција, која би го објаснила целосниот недостаток на комуникација и каков било сигнал е лебдечкото тело да е вонземски вселенски брод.