Производителот на автомобили Tesla, кој во третото тримесечје годинава заработи 312 милиони долари благодарение на продажбата на Model 3 автомобилите, го најави својот извоз на овие возила во Европа и Кина.
– Пазарот за седани со средна големина во Европа е двапати поголем од оној во САД. Затоа, ние со нетрпение го очекуваме префрлањето на Model 3 во Европа на почетокот на наредната година – соопшти Tesla.
Првите нарачки ќе може да се направат веќе наредните два месеца. Потоа седанот ќе може да се најде и на кинескиот пазар, а за подолгорочни цели понатаму, предвидена е и изградба на фабрика во Шангај.