Razer е едно од најпопуларните имиња во гејминг индустријата, откако нивните производи се користат од над 50 милиони луѓе низ целиот свет. Компанијата предизвика интерес со премиерата на Razer Phone, кој многу аналитичари го идентификуваа како најдобар паметен телефон за игри. Razer официјално ја претстави втората генерација на уредот, кој веќе има дисплеј со фреквенција од 120Hz и 8 милисекунди време за реакција, со што ги надминува iPhone Xs и iPhone Xs Max. Razer Phone 2, исто така, нуди 30% повисоки перформанси од претходниот модел.
Новиот паметен телефон има 5,72-инчен дисплеј UltraMotion IGZO со 120Hz и QHD резолуција од 2560×1440 пиксели што го произведува Sharp. Според официјалните податоци, тој е 50% посветол од претходната генерација, со осветленост која веќе достигнува 645-нити. Самиот панел е заштитен со Gorilla Glass 5 и може да свети во различни бои, во зависност од известувањата што ги добивате, објави VentureBeat. Брзината е загарантирана од Qualcomm Snapdragon 845 процесорот со Adreno 630 графика. Системот за течно ладење се грижи за оддржувањето на оптимална температура.
Razer Phone 2 е опремен со двојна задна камера, од кои едната е телефото камера. Сензорите се со резолуција од 12 мегапиксели и се произведени од Sony, а не од Samsung, како и кај оригиналниот модел. Главната камера поддржува оптичка стабилизација и има f / 1.75 бленда која ги подобрува способностите за снимање во отсуство на светлина. Паметниот телефон работи со Android 8.1 Oreo и има 4000mAh батерија која поддржува Quick Charge 4+. Razer Phone 2 нуди моќни звучници Dolby Atmos и е отпорен на вода. Цената е 799 долари.