Најновиот десктоп оперативен систем на Apple, macOS 10.14 Mojave сега е достапен во својата финална јавна форма, а може да се преземе од Mac App Store.
Како што беше случај и со претходните верзии на десктоп платформата, Mojave пристигнува како бесплатна верзија. Корисниците кои нема да успеат веднаш да го инсталираат OS, ќе мораат да почекаат некое време пред новиот обид, поради презафатеност на серверите.
Кога е во прашање она што го донесува новата верзија на софтверот, тука е Dark Mode, кој веројатно е една од најбитните функции за голем број корисници. Mojave нуди можност прозорците и позадините да се префрлат во темниот дизајн со светол текст. Ова, како и другите измени на оперативниот систем се наменети за клучните корисници и креативци.