Иднината на автомобилите веројатно ќе ги направи нашите секојдневни патувања поприфатливи и потенцијално побрзи. Меѓутоа, производителот на автомобили Volvo сака да ја доразвие оваа идеја и да помине еден чекор понатаму со концептот 360c.
Претставен во седиштето на компанијата во Гетеборг, овој проект се залага за свет во кој автомобилите ќе се претворат во мобилни канцеларии, соби за спиење, па дури и алтернатива на авионските летови на кратки далечини.
„Беспилотното возење ќе ни овозможи да го направиме следниот голем чекор во безбедноста, но исто така и да откриеме возбудливи нови бизнис модели, да им дозволиме на корисниците да поминуваат повеќе време во автомобилот, и таму да го прават она што навистина го сакаат“, вели Хакан Самуелсон, претседател и извршен директор на Volvo Cars.
Автомобилот со ниво на автоматизација 5 изгледа како комбинација на футуристички SUV и миниван. И бидејќи внатрешноста и надворешноста се исклучително важни за интеракцијата меѓу автомобилот и корисникот, развојот на Volvo нема типично возачко место. Наместо тоа, патниците може да се чувствуваат повеќе како во автобус или во канцеларија.
Волво, исто така, ја гледа својата 360с серија како замена за летови на кратки дестинации. Според нив, земајќи го предвид времето за патување до аеродром, процесот на проверка, итн, патувањето со автомобил би било побрзо и полесн