Facebook објави дека пронашол нов „баг“ во својот систем. Тој бил активен помеѓу 29-ти мај и 5-ти јуни оваа година, што резултирал со деблокирање на луѓе, кои претходно биле блокирани од страна на корисникот, објави TechRadar.
Повеќе од 800.000 луѓе биле засегнати во целиот свет. Ова значи дека публикациите и профилите на овие корисници може да бидат видени од луѓе што претходно сте ги блокирале. Facebook вели дека прекинатите пријателства не биле обновени, но во текот на проблемот, публикациите можеле да се видат од пошироката публика.
Компанијата вели дека проблемот е минимален за најпогодените корисници. 83% од засегнатите имале само едно привремено деблокирано лице. Facebook се извини на корисниците и сподели дека ќе бидат известени одделно. Проблемот е веќе отстранет.