Ден пред официјалното претставување на новите предводници на Huawei во Париз, германскиот синџир за електроника Saturn ги потврди сите гласини околу нивните спецификации, како и цените на уредите. Од објавените информации, станува јасно дека P20 и P20 Pro ќе бидат со процесор Kirin 970. Стандардниот модел ќе биде со 4 GB RAM меморија, додека Pro изданието ќе биде со 6 GB. И двата телефони ќе имаат 128GB меморија за апликации кои нема да можат да се прошират.
Корисниците ќе добијат 5.8-инчен P20 и 6.1-инчен P20 Pro дисплеј. Капацитетот на двата модели е 3400 mAh и 4000 mAh соодветно. Главната разлика во согласност со тековните информации е со камерата. Huawei P20 ќе има двојна таква со сензори со резолуција 20 и 12 мегапиксели, што наведува на помислата дека конфигурацијата ќе биде идентична или слична со онаа на Mate 10 Pro.
Со P20 Pro ќе видиме тројна камера со сензори со резолуција од 40, 20 и 8 мегапиксели. Камерата за двете верзии ќе има резолуција од 24 мегапиксели, а оперативниот систем ќе биде Android 8.1 со EMUI 8.1.
Исто така, нема изненадувања по цени. Huawei P20 ќе се продава за 649 евра, додека Huawei P20 Pro ќе чини 899 евра.
Новиот телефон на Porsche Design ќе биде претставен во Париз, но неговата цена сигурно ќе биде поголема.