Еден од најголемите кинески производители на паметни телефони, се чини ќе го престигне Apple со смартфон кој ќе има читач за отпечатоци на прстите вграден во самиот дисплеј, технологија која требаше да биде вградена и во Galaxy S8 и Galaxy S8+.
Технологијата “Sense ID”, која ќе ја користат смартфоните на Vivo е на Qualcomm и истата прво ќе биде достапна со нивните нови Snapdragon 630 и 660 чипови, но подоцна и со други мобилни чипови.
Ваквиот тип на скенер е со ултразвук и поради тоа може да продре низ најразлични површини. Покрај тоа што може да се вгради под дисплејот, тој може да се вгради и под метал или стакло, што би можело значително да го подобри дизајнот на телефоните, бидејќи во задниот дел нема да има потреба од посебно засечен дел за читач за отпечатоци. Скенерот инаку засега може да функционира само со OLED дисплеи со максимална дебелина од 1,2 mm.