Способноста на компјутерите да го предвидат животниот век на пациентите со едноставен преглед на снимките на внатрешните органи, наскоро може да стане реалност благодарение на истражувањето кое го спроведува Универзитетот во Аделејд.
Истражувачите користеле вештачка интелигенција да ги анализираат снимките на дишните органи на 48 пациенти. Компјутерската анализа покажала дека е способна да предвиди кои пациенти ќе починат во наредните пет години со 69% прецизност во споредба со предвидувањата на докторите.
„Предвидувањето на иднината на пациентите е корисно бидејќи може да им помогне на докторите да ја адаптираат терапијата од пациент до пациент“, објаснил авторот на студијата, доктор Лук Оукден Рејнер кој е радиолог.