Почнувајќи од оваа недела, корисниците можат да го купат и во Португалија за 170 евра
Asus ZenFone Live е пристапен Android телефон што беше прикажан на Светскиот мобилен конгрес во Барселона во февруари. Меѓутоа, телефонот не се појави на пазарот до мај, кога официјално беше објавен во Индија.
Сепак, изгледа дека Asus нема да го ограничи ZenFone Live само на пазарите во развој. Почнувајќи од оваа недела, корисниците можат да го купат и во Португалија за 170 евра, додека наскоро ќе го добијат и другите европски земји.
Овој телефон е насочен кон корисниците кои сакаат да ги користат социјалните мрежи, а рекламиран е како прв смартфон со хардверски оптимизирана технологија за разубавување во реално време, со што е можно да се споделат уште погламурозни фотографии. Asus ZenFone Live доаѓа со 5-инчен HD екран и прилично добра селфи камера, иако работи на стариот оперативен систем Marshmallow.
