Минатата недела дознавме дека Microsoft ќе ги отфрли сопствениот енџин EdgeHTML и дека својот веб-прелистувач Edge  во следната година ќе ги префрли на платформата на Google, Chromium. Оваа најава ги разбранува духовите, некои ги воодушеви, а некои како Mozilla и не, но веројатно најдобрата вест што се однесува на Edge, Microsoft не ја напиша во официјалното соопштение.

Дури преку Reddit дознавме дека новиот Microsoft Edge, заснован на Chromium во иднина ќе поддржува и екстензии напишани за Google Chrome. На сметка на тоа, Microsoft нема да ја компромитира поддршката за своите технологии и апликации, па Edge ќе ги поддржуваа и сите верзии на UWP (Universal Windows Platform) и PWA (Progressive Web Apps) апликациите како и досега. Освен преку официјалната продавница за апликации, PWA апликациите ќе биде можно да се инсталираат и низ самиот прегледник, порачаа од Microsoft.

Но, сите најмногу ги израдува фактот за поддржувањето на бројните екстензии и додатоци изработени за Chrome, бидејќи така ќе биде многу полесно да се “скока” помеѓу прегледниците без да се губи нешто од нивната функционалност. Водачот на проектот Edge, Кајл Алден потврди дека прелистувачот во новиот облик би требало да пристигне на сите уреди на Microsoft, што имплицира и на Xbox One, а можеби и на HoloLens.