Најмоќниот смартфон на Samsung, Galaxy Note 9 моментно е достапен во сина, црна, виолетова, сребрена и бакарна боја, а наскоро на пазарот би можела да се појави и бела верзија.

Познатиот типстер од Twitter, Еван Блас објави фотографија од белиот Note 9 и напиша дека добил информација за овој модел, но ни самиот не е сигурен дали уредот навистина постои или можеби се работи за Photoshop.

 

Рендерот дефинитивно изгледа уверливо, но можноста дека се работи за Photoshop засега не треба да се исклучува. Исто така, можноста и тоа како е реална, бидејќи компанијата е позната по тоа што по преставувањето на новите смартфони, накнадно понуди нови бои.

Белиот Note 9 позитивно би влијаел и на продажбата воочи Божиќ, а ова не е прв пат да се зборува за белиот Note 9, бидејќи шпекулациите се појавија уште претходно.