Социјалната мрежа X е делумно повторно достапна во Венецуела на некои интернет оператори, повеќе од една година откако беше блокирана од страна на соборениот претседател Николас Мадуро, објави порталот BFM TV.
Платформата X беше блокирана во 2024 година откако се појавија критички коментари за контроверзниот реизбор на Мадуро.
По забраната, министрите, пратениците и државните институции престанаа да ја користат мрежата, која претходно беше еден од главните извори на информации во земјата, и се префрлија на Telegram.
BFM TV објави дека е забележано дека X е повторно достапен кај некои корисници, десет дена по американската воена операција во која беше уапсен Мадуро.
Сепак, блокадата сè уште не е укината за сите оператори.
Делси Родригез, која положи заклетва како привремена претседателка на Националното собрание на 5 јануари, објави порака на X, повикувајќи на единство и економско закрепнување на земјата.
Министерот за внатрешни работи Диосдадо Кабело објави слична порака, најавувајќи го враќањето на комуникациите на мрежата.
Делумното повторно отворање на X се случи во време кога, по падот на Мадуро, беа објавени договори за нафта со САД, чекори кон враќање на дипломатските односи што беа прекинати во 2019 година и ослободување на политичките затвореници.