Моторола го претстави новиот модел на телефон во рамките на својата g серија – g72, кој го красат детални фотографии со 108 милиони пиксели и дисплеј со прецизно прикажување на бои.
Со моделот g72, корисниците добиваат главна камера од 108 MP, која успева да фати 9x повеќе светлина со комбинирање на девет пиксели во еден голем ултра пиксел за посветли фотографии – дури и во најпредизвикувачките услови на осветлување.
Покрај споменатата главна, има и ултра широка камера од 8 MP за да можете да вклопите 4x повеќе сцени во кадарот во споредба со стандардниот објектив. Плус, камерата може дури и да регистрира длабочина, работејќи со главната камера за автоматско заматување на позадината и создавање портрети со професионален квалитет.
Системот на камерата е заокружен со Macro Vision камера која ќе ве приближи 5 пати до она што го фотографирате за да ги снимите дури и најмалите детали, што инаку би го пропуштиле стандардниот објектив.
Можете да уживате во омилените филмови и најдобрите игри благодарение на 6,6-инчниот HDR10+ pOLED екран, кој исто така располага со стапка на освежување од 120 Hz.
Моторола вклучи два големи стерео звучници во g72 со Dolby Atmos технологија која работи дури и кога поврзувате слушалки и ви овозможува да ги слушате и најситните аудио детали.
Сè се напојува со процесорот MediaTek Helio G99. Гејмерите особено ќе се чувствуваат 20% поефикасни во игрите благодарение на чипсетот од 6 nm кој заштедува батерија, дури и кога игрите со тешки барања ја туркаат до нејзините граници.
Motorola g72 доаѓа и со батерија со капацитет од 5000mAh, која лесно може да обезбеди цел ден користење, а има и поддршка за TurboPower 30W брзо полнење.
Цената на Motorola Moto g72 во Европа е околу 260 евра.