Пандемијата и недостатокот на полупроводници се спас за производителите на автомобили. Научија дека можат да произведуваат помалку и да заработат повеќе. A тоа значи дека веројатно засекогаш може да кажеме збогум на евтините автомобили.
Сè на сè, ова отсекогаш било очигледно, но сепак повеќето големи производители на автомобили се држеа до сценарио во кое автомобилите треба да бидат достапни за луѓето и да ги има многу. Но, тоа е минато, пандемијата покажа дека е подобро да се произведуваат помалку автомобили и да се продаваат поскапо. Како резултат на тоа, автомобилите ќе станат поскапи, а џебовите на производителите подебели.
Каква е моменталната состојба на автомобилскиот пазар?
Прво, Volkswagen. Во 2021 година, групацијата VW продаде 8,6 милиони автомобили. Тоа е пад од 6,3 отсто во однос на 2020 година, но во однос на 2019 година тој пад е уште поголем. Во 2019 година се произведени 10,9 милиони возила. Па, што тогаш? Ништо, па дури и помалку од ништо, бидејќи приходите се енормно зголемени. Кога станува збор за приходите пред оданочување, во споредба со 2019 година, Volkswagen заработил 73 отсто повеќе. Зошто? Затоа што тој ги продаваше автомобилите поскапо, а купувачите сепак ги купуваа, бидејќи немаa премногу избор. Покрај тоа, компанијата успешно ги воведе електричните автомобили на пазарот: поевтини за производство, поскапи за малопродажба. Се разбира, некои сега ќе речат дека електричните автомобили се поскапи за производство од автомобилите со внатрешно согорување. Да, но повторуваме дека во малопродажба се поскапи. Значи тие се генерално позитивни.
Во случајот со BMW е малку поинаку. Баварскиот бренд забележа апсолутен рекорден профит. Добивката во 2020 година изнесува 3,86 милијарди евра, а во 2021 година 12,46 милијарди евра. Но, ова не беше проследено со пад на бројот на произведени автомобили, туку пораст од 8,4%. Факт е дека зголемувањето на бројот на произведени возила е многу помал од зголемувањето на профитот и исто како и во случајот со VW, автомобилите едноставно поскапеа и купувачите продолжија да ги купуваат. Заклучок: „Досега беа преевтини“.
Продажбата на Mercedes падна, а профитот вртоглаво порасна. Продажбата во 2021 година падна за 5 отсто. Профит? Скок од 10,2 милијарди евра во однос на 2020. И така натаму и така натаму. Дури и Stellantis, овој мулти-бренд со 14 брендови кои веројатно ниту претседателот Таварес не може да ги именува, заработил 13,3 милијарди евра, двојно повеќе отколку во 2020 година финансиски гледано.
Ги информираат купувачите дека има помалку автомобили, но цените морале да се зголемат, бидејќи нема делови, тешката економска состојба, војната и нема да биде подобро. Наместо тоа, бидете среќни што воопшто има автомобили, а колку чинат, на кого му е гајле. Купувачите плаќаат, а маржите на производителите се зголемуваат.
Зошто?
Затоа што на целиот свет му требаат автомобили. Нема живот без автомобилите. Само размислете! Нашата инфраструктура и организација на секојдневните активности се изградени околу сопственоста на автомобили. Сега, кога утврдивме дека автомобилите се како дрога и дека луѓето се зависни од нив, сега е безбедно да се покачат нивните цени. Идеалната ситуација за производителите е моментот кога „мора“ да имате автомобил, по можност нов, бидејќи тогаш тие можат да формираат такви цени што ќе се откажете од другите задоволства и потреби во корист на поседување автомобил. Како што покажува сегашната ситуација, цените може храбро да се зголемуваат, бидејќи и да се продадат нешто помалку автомобили, вкупната добивка ќе биде поголема. Подобро е да се продаде 1 артикал за 100 марки отколку 10 артикли за 100 марки и притоа да се соочувате со 10 проблематични клиенти секој ден.
Така да можете да заборавите дека порано имало евтини автомобили. Заборавете на тоа дека ќе можете да купите автомобили од средна класа за 15.000-тина илјади евра. Ќе биде многу поскапо и ќе плаќаме. Се разбира, секогаш може да се каже не за нов, бидејќи има половни, но и тука веќе не е исто како некогаш. Само погледнете ги цените на половните автомобили во последно време…