Израелски научници направија имплант кој би можел да овозможи движење на парализирани луѓе.
Имплантот бил тестиран на парализирани глувци – им бил вграден во ‘рбетниот мозок. Благодарение на имплантот, глувците можеле да се движат. Научниците веруваат дека клиничките испитувања на луѓе ќе започнат за помалку од три години.
Претходните тестови беа спроведени на Универзитетот во Тел Авив. Голема група експерти ги испитала имплантите преку 15 неподвижни глувци. По поставувањето на имплантот, 12 глувци се движеле нормално.
„Доколку имплантите се функционални за луѓето, а веруваме дека ќе бидат, ќе им дадеме надеж на сите парализирани луѓе дека ќе можат повторно да одат“, рече проф. Тал Двир.
Тој посочи дека клиничките испитувања веќе се разговараат со Американската агенција за храна и лекови (ФДА). Според него, идејата е да се направи посебен имплант за секој човек, за чие производство ќе се користат клетките на лицето на кое му е потребен имплантот. Се очекува дека ова ќе го елиминира ризикот телото да не го прифати имплантот.
Двир потсети дека во светот има три милиони луѓе кои се парализирани поради повреда на рбетниот столб и дека сѐ уште нема ефикасен третман за нивната здравствена состојба. Овие импланти би можеле радикално да ги променат животите и животите на луѓето блиски до парализирани луѓе.
Според Двир, ова е првпат човечки клетки да се користат за правење импланти. Уште едно големо значење на студијата на глувци е и тоа што студијата е направена на долго парализирани глувци, а не само на оние кои штотуку станале парализирани. Испитувањето беше успешно и кај двата типа.
Успехот кај трајно парализираните глувци бил 80 проценти, додека успехот кај новопарализираните или краткотрајно парализираните глувци бил 100 проценти. За правење на имплантите за глувци биле користени човечки клетки, според онлајн изданието на Times of Israel.
Извор: Klix.ba