DroidCam е бесплатна апликација која може да ја искористи камерата вградена во паметниот телефон и да ја претвори во веб-камера приклучена на компјутер со Windows или Linux. За да го направите ова, потребно е на компјутерот да инсталирате специјално дизајнирана компонента што всушност ги инсталира потребните управувачки програми.
Секако, потребно е да ја инсталирате оваа апликација на паметниот телефон, а потоа врската може да се оствари или преку безжична мрежа или телефонот да се поврзе со USB кабел. Бесплатната верзија на апликацијата нема да го ограничи времето на користење на камерата, а корисно е и тоа што може да работи во позадина. Без потреба да биде вклучен екранот на смартфонот, со што се штеди батерија.
Сепак, треба да се има предвид дека прикажува реклами, но сето тоа може да се реши со купување на професионалната верзија на апликацијата DroidCamX. Покрај тоа што не се прикажуваат реклами, можно е да се постави и повисоко ниво на квалитетот на сликата, а има и некои дополнителни контроли поврзани со камерата.
Во оваа верзија добивате работи како што е континуираниот автоматски фокус, зум и слично, а можно е да се управува и со осветленоста и контрастот и да се ротира сликата по желба.
