По неколкумесечни преговори, Netflix се повлече од понудата за купување на Warner Bros. Discovery, отворајќи му пат на Paramount Skydance во договор вреден околу 111 милијарди долари, објави BBC.
Warner Bros. Discovery, кој е на продажба од минатата година, соопшти дека најновата понуда на Paramount е супериорна во однос на онаа на Netflix. Раководството на Netflix одби да ја зголеми понудата, наведувајќи дека трансакцијата повеќе не е финансиски привлечна по таа цена.
Во декември, Warner Bros. Discovery прифати делумна понуда од Netflix во вредност од околу 72 милијарди евра, која вклучуваше купување на филмското и ТВ студио и платформата HBO Max.
Сепак, Paramount поднесе повисока конкурентска понуда, со што се наметна како фаворит. Калифорнискиот државен обвинител Роб Бонта изјави дека договорот сè уште не е конечен и дека регулаторите ќе спроведат темелна истрага.
Доколку биде одобрен, Paramount ќе го преземе HBO Max, како и телевизиските мрежи во сопственост на Warner Bros. Discovery, вклучително и CNN, што може значително да го промени стриминг и медиумскиот пазар во Холивуд.