Xiaomi го подигнува нивото во премиум сегментот на мобилни телефони.
Кинеската компанија го претстави телефонот Xiaomi 17 Ultra, со импресивен хардвер, а фокусот повторно е на фотографијата и автономијата.
Најголемата новина е во системот на камери. Xiaomi 17 Ultra има главен сензор со големина од еден инч, што е реткост дури и меѓу најскапите водечки модели. Станува збор за сензор Light Fusion 1050L од 50 MP од 1 инч, со поддршка за LOFIC технологијата.
Исто така, доаѓа со перископ телефото камера од 200 MP (Samsung HPE 1/1.4), дизајнирана за напреден оптички зум и снимање детали на долги растојанија. Тука е и ултраширока камера од 50 MP со автофокус.
Телефонот го покренува најновата генерација на чипсет Snapdragon 8 Elite Gen 5 SoC, во комбинација со до 16 GB LPDDR5X RAM и до 1 TB простор за складирање UFS 4.1.
На предната страна се наоѓа 6,9-инчен M10 AMOLED LTPO дисплеј со висока стапка на освежување до 120Hz, а телефонот има и подобрен систем за ладење за стабилни перформанси за време на тешки задачи.
Уште една ставка што се издвојува е батеријата, со капацитет до 6.800 mAh, што е значително поголема во споредба со повеќето водечки телефони денес. Батеријата поддржува брзо жично полнење од 90W и безжично полнење од 50W.
Xiaomi 17 Ultra is launched in China!
💦 IP66+IP68+IP69 dust and water resistance ratings
💿 Leica Vario-Summilux Optics
📸 Triple Camera System with 50 MP Light Hunter 1050L Main Camera sensor (23 mm, 1" size, F/1.67) with LOFIC Ultra-HDR technology and 50 MP ISOCELL JN5… pic.twitter.com/fCa7FQ4mKQ— Alvin (@sondesix) December 25, 2025
Кога станува збор за дизајн, Xiaomi 17 Ultra го задржува својот препознатлив премиум изглед, со квалитетни материјали и отпорност на вода и прашина.
Кинеската компанија го претстави и Xiaomi 17 Ultra Leica edition, кое ги има сите спецификации на стандардниот модел, но со некои дополнителни карактеристики.
Меѓу нив е и механичкиот прстен за зумирање, кој им овозможува на корисниците да ја прилагодат фокусната должина, експозицијата и балансот на белата боја.
Моделот Leica има специјални Leica Moment режими во сооднос на ширина и висина од 3:2, безбедносни и шифрирани чипови и поддршка за двојна сателитска комуникација.
Кога станува збор за цените, стандардниот модел Xiaomi 17 Ultra започнува од околу 995 долари за варијантата од 12GB/512GB, додека Xiaomi 17 Ultra Leica чини околу 1.140 долари за моделот од 16GB/512GB.
Продажбата на двата телефони започнува од 27 декември во Кина, а засега нема информации за достапност на глобалните пазари.