Додека BMW се подготвува да ги лансира своите целосно електрични од „новата класа“, љубителите на класични автомобили можат да здивнат со олеснување.

Баварците не го забораваат својот најпопуларен модел, а наследник на сегашната „Серија 3“ со мотори со внатрешно согорување ќе се појави на пазарот во 2026 година. Новата генерација, под внатрешната ознака G50, визуелно треба да го следи дизајнерскиот правец на „Новата класа“, но под хаубата ќе ја задржи добро познатата технологија.

BMW планира да ги претстави првите модели на „Новата класа“ оваа година – прво како SUV (веројатно iX3), а потоа и како седан (i3). Но, новата Серија 3 G50 ќе биде приказна сама по себе, комбинирајќи два света, пишува AutoBild.

 

View this post on Instagram

 

A post shared by Leo (@leaktveak)

Дизајн инспириран од иднината
Според првите илустрации и најави, новата Серија 3 ќе ги усвои клучните елементи од авангардниот дизајн на „Новата класа“. Ова значи дека можеме да очекуваме широка предна маска со препознатливи „бубрези“ кои се спојуваат со тенки предни светла, а нивното полнење ќе биде комбинација од вертикални и дијагонални решетки. Задниот дел ќе биде украсен со тесни и издолжени светла, исто така моделирани по „Новата класа“.

Гледано од страна, претстојната „тројка“ веројатно ќе наликува на намалена верзија на сегашната Серија 5, со редизајнирана линија на прозорците. За прв пат во историјата на моделот, Серијата 3 ќе добие и рачки на вратите интегрирани во вратите, што придонесува за почист и помодерен изглед. Видливите издувни цевки, слични на новата Серија 1, најверојатно ќе бидат резервирани само за најмоќните М верзии.

Револуција во ентериерот
Најголемите промени се очекуваат во кабината. BMW потврди во јануари дека новата Серија 3 ќе биде опремена со целосно нов BMW Panoramic iDrive систем. Ова е нова генерација на инфозабава која ќе донесе минималистички пристап и напредни функции, доминирајќи во модернизираниот ентериер.

Сепак, клучната разлика во споредба со електричниот i3 лежи во самата основа. Додека електричните модели ќе бидат базирани на нова, наменска платформа од „Новата класа“, Серија 3 со конвенционален погон ќе продолжи да ја користи докажаната CLAR (Cluster Architecture) архитектура. Оваа платформа е дизајнирана специјално за модели со мотори со внатрешно согорување и овозможува интеграција на различни погонски склопови.

Електрификација за сите мотори
Понудата на мотори за новата Серија 3 ќе продолжи да вклучува бензински и дизел мотори. Во зависност од пазарот, се очекува постојните 2,0-литарски четирицилиндрични и 3,0-литарски линиски шестцилиндрични мотори да претрпат значителни прилагодувања за да ги исполнат построгите еколошки стандарди. Клучната иновација е што сите погонски склопови ќе бидат електрифицирани, најверојатно преку благ хибриден систем.

Секако, понудата нема да биде комплетна без легендарната верзија M3. Како што стана вообичаено денес, спортската икона нема да ја избегне електрификацијата и речиси сигурно ќе биде претставена како моќен хибриден модел.

Фото: Принтскрин