Извршниот директор на Open AI посочува дека новите производи ќе доцнат поради преоптоварување на капацитетот.

Извршниот директор на компанијата за развој на вештачка интелигенција OpenAI Сем Алтман објави на социјалната мрежа X дека компанијата ќе го одложи објавувањето на нови производи поради преоптоварување на капацитетот.

Новата можност за генерирање слики во алатката ChatGPT веднаш по објавувањето стана исклучително популарна, што создаде дополнителен притисок врз одржувањето на целиот систем.

Алтман предупреди дека услугата што ја обезбедува OpenAI ќе биде бавна на моменти додека компанијата се справува со „предизвиците на капацитетот“ и дека се можни прекини на услугата.

Според него, поради големата побарувачка, персоналот на компанијата бил принуден да работи до доцна во ноќта и за време на викендот за да продолжи да функционира услугата за генерирање слики, пренесува Tech Crunch.

Алатката ChatGPT доби милион нови корисници за само еден час во понеделникот, тврди Сем Алтман во објава.

ChatGPT сега има 500 милиони неделни корисници и 20 милиони претплатници, што е значително зголемување од 300 милиони корисници и 15,5 милиони претплатници на крајот на 2024 година.

Алатката сега има можност, меѓу другото, да генерира слики во стилот на јапонските анимации на Studio Ghibli, што предизвика голем интерес, но и полемики поради проблеми со авторските права.

Студиото Gibli произведува филмови во аниме стил и стои зад дела како „Мојот сосед Тоторо“, „Принцезата Мононоке“, „Волшебниот град“ и „Момчето и чапјата“.

Коосновачот на Studio Ghibli, Хајао Мијазаки, претходно ја критикуваше анимацијата со вештачка интелигенција, велејќи дека тоа е „навреда за самиот живот“.