Samsung официјално го потврди датумот за следниот Unpacked настан на компанијата.
Во последниве месеци, имавме многу протекувања за претстојната серија на телефони Samsung Galaxy S25, а сега е официјална потврда.
Samsung испрати покана за настанот Unpacked, кој ќе се одржи на 22-ри јануари, а за време на кој треба да ја видиме новата серија на телефони Galaxy S25.
Има и најавно видео, кое прикажува четири уреди еден до друг. Се очекува да ги видиме Galaxy S25, Galaxy S25+ и Galaxy S25 Ultra како стандардни понуди во линијата. А изненадување би можело да биде четвртиот модел за кој многу се пишува.
Galaxy S25 Slim како изненадување?
Како што беше претходно објавено, Galaxy S25 Slim треба да има 6,6-инчен дисплеј и да се напојува од чипсетот Snapdragon 8 Elite.
Сè ќе се напојува од батерија од 5.000 mAh, а телефонот ќе има и главна камера од 200MP, како и 50MP ultrawide и 50MP телефото сензор.
Galaxy Unpacked ќе се пренесува во живо на Samsung.com и YouTube, почнувајќи од 22 јануари во 19 часот по средноевропско време.