Германија ќе започне со испорака на 4.000 дронови со вештачка интелигенција во Украина од декември.
Германија од декември ќе почне да и испорачува на Украина 4.000 високотехнолошки беспилотни летала контролирани од вештачка интелигенција (АИ) и заштитени од уреди за електронско војување, кои веќе се користени во борбите на југот и на истокот на Украина, објавија германските и украинските медиуми.
Германската компанија Хелсинг, која се занимава со вештачка интелигенција, годинава потпиша договор со Министерството за одбрана на Украина за набавка на 4.000 дронови, пишува „Билд“ повикувајќи се на изјавата на германскиот министер за одбрана Борис Писториус.
Писториус по масовниот руски воздушен напад врз Украина во неделата наутро изјави дека е среќен што испораката на овие дронови за напади со вештачка интелигенција ќе започне „веднаш“, пренесува агенцијата Укринформ.
Германскиот весник наведува дека од декември ќе бидат испорачани 4.000 беспилотни летала, неколку стотици единици месечно и дека тоа не се обични беспилотни летала – камикази – управувани од луѓе, туку дека беспилотните летала што ќе бидат испорачани во Украина се високотехнолошки авион контролиран од АИ, кој го доби индустрискиот прекар „mini Taurus“.
Се посочува дека беспилотните летала произведени од компанијата Хелсинг имаат софтвер кој во голема мера ги штити од руско попречување на ГПС и други средства за електронско војување.
Како што изјави за „Билд“ соговорник од индустријата за оружје, предметниот дрон „набљудува“ и препознава каде е, врз основа на илјадници патокази, „за да не го загуби патот дури и во неповолни временски услови или во подрачја на бомбардирање.
„Откако целта е пронајдена и операторот на авионот ќе му даде инструкции на дронот, дронот лета автономно до целта“, рече официјалниот претставник.
Дронот, кој има четири крила и пропелери, се смета за технолошки напредок, додека неговата најголема вредност, според официјалните лица, е неговиот софтвер со AI за пилоти на дронови, со чија помош тие можат да летаат до цели доколку се наруши радио комуникацијата, според украинската агенција.