Доналд Трамп повторно е активен на социјалната мрежа Х (поранешен Твитер).
Поранешниот американски претседател, кандидатот на републиканците на претстојните избори во САД во ноември, Доналд Трамп повторно твитна на платформата Х (поранешен Твитер), што е негов втор твит по долго отсуство од таа мрежа.
„Дали ви е подобро сега отколку кога бев претседател? Нашата економија е уништена. Нашите граници се избришани. Ние сме нација во опаѓање. Да го направиме американскиот сон повторно достапен. Да ја направиме Америка повторно безбедна. Да ја направиме Америка повторно голема“, напиша Трамп.
Are you better off now than you were when I was president?
Our economy is shattered. Our border has been erased. We're a nation in decline.
Make the American Dream AFFORDABLE again. Make America SAFE again. Make America GREAT Again!
— Donald J. Trump (@realDonaldTrump) August 12, 2024
Во јануари 2021 година, по немирите на Капитол Хил во Вашингтон, Твитер профилот на Трамп беше блокиран.
Компанијата тогаш објави дека сметката на Трамп е трајно суспендирана поради заканата од дополнително насилство и во согласност со одлуките на другите платформи како Фејсбук.
— Donald J. Trump (@realDonaldTrump) August 12, 2024
Набргу откако Илон Маск го презеде Твитер кон крајот на 2022 година, сметката на Трамп беше реактивирана, но оттогаш Трамп почна да ја користи својата платформа Truth Social. Тој има направено само една објава од реактивирањето на неговиот профил до 12 август.
Неговиот прв твит беше клип од кампањата.