Контролирањето на комплетната електроника на оваа врата бара три посебни апликации.
На врвот на популарноста на паметните производи, малкумина очекуваа дека паметните врати ќе се појават на продажба.
Паметните врати може да се купат во познатиот американски ланец на продавници „Home Depot“.
Создаден од фиберглас
Нивната цена е дури 4.000 долари, а во тој трошок не е вклучена нивната инсталација.
Првпат претставена во 2022 година, паметната врата на Masonite M-PWR се издвојува како станбена врата интегрирана со Yale паметна брава и Ring видео ѕвонче.
Клучна продажна точка е нивната зависност од електричниот систем на вашиот дом за напојување. Ова ја елиминира грижата за замена или полнење на батеријата, проблеми што најчесто ги доживуваат повеќето паметни брави и некои видео ѕвончиња.
Вратите се направени од фиберглас во различни стилови и бои, со цени кои се движат од 4.000 до повеќе од 7.000 долари.
Дополнителните интелигентни опции вклучуваат осветлување за движење и сензор за статус на вратата, кој ви овозможува да следите дали вратата е отворена или затворена преку посебна апликација.
Заменливи компоненти
Дополнително, резервната батерија за итни случаи обезбедува постојана контрола на електрониката на вратата дури и при прекин на струја. За контрола на комплетната електроника на вратата потребни се три посебни апликации: апликацијата Ring за видео ѕвончето, апликацијата Yale за бравата Yale Assure SL и апликацијата M-PWR за самата врата, вклучувајќи го осветлувањето и сензорот на вратата.
Иако Ring и Yale веројатно ќе лансираат нови брави и ѕвончиња, позитивната работа е што компонентите се заменливи.
Кори Сорас, виш потпретседател и главен директор за иновации на „Masonite International“, минатата година потврди дека иако животниот век на вратата се мери со децении, технологијата зад неа нема да трае толку долго. Затоа се создадени и дизајнирани за потенцијални надградби со текот на времето.