Откако беше објавено дека сите производители на паметни телефони мора да ги „отворат“ своите уреди за продавници за апликации од трети страни од јануари 2024 година и да усвојат задолжителна USB-C порта до крајот на истата година, сега е постигнат договор кој ќе бара пренослив уреди да користат батерии што корисниците можам да ги заменат сами.

Овој договор се однесува на батерии од речиси сите големини, од преносни батерии, батерии за придвижување, осветлување и палење на автомобилски мотори, батерии за лесни возила (LMT) до батерии за електрични возила и индустриски батерии.

Доколку овој закон биде усвоен, производителите ќе имаат рок од три и пол години да направат промени во своите производи за корисниците лесно да ги вадат и заменат батериите.

Заменливите батерии некогаш беа норма за паметните телефони, но денес се реткост. Заедничката форма на батеријата ќе овозможи лесно прилагодување, а можно е дури и да се обезбеди отпорност на вода и прашина.

Преклопните телефони би можеле да бидат предизвик бидејќи често имаат по две посебни батерии за секоја „половина“ од уредот, а причината е распределбата на просторот и тежината.

Тие се поврзани со тенки кабли, така што ќе биде тешко да се дојде до дизајн кој им овозможува на корисниците лесен пристап и замена.

Условот е законот да биде усвоен од Парламентот и Советот на ЕУ. Секоја батерија ќе мора да содржи етикети и QR кодови кои нудат информации за капацитетот, перформансите, издржливоста и хемискиот состав, како и дигитални пасоши со информации за моделот. Мотивот за овој закон е грижа за животната средина. Планот вклучува минимални нивоа на рециклирани материјали за батерии, имено 16 отсто за кобалт, 85 отсто за олово, 6 отсто за литиум и 6 отсто за никел.

Со цел да се поттикне процесот на рециклирање, ЕУ ќе бара собирање на старите батерии. Најмалку 45 отсто од старите батерии мора да се соберат бесплатно до 2023 година, 63 отсто до 2027 година и 73 отсто до 2030 година за преносливите батерии. Во случајот со LMT батериите, тоа е 51 отсто до 2028 година и 61 отсто до 2031 година.

Сите останати батерии, вклучително и индустриските и електричните возила, ќе треба да се собираат бесплатно без разлика на брендот, потеклото и состојбата. Производителите кои ги продаваат своите производи во ЕУ ќе мора да развијат политики кои ќе ги адресираат социјалните и еколошките ризици поврзани со набавката, преработката и трговијата со суровини и секундарни суровини.