Бета верзијата за Call of Duty: Modern Warfare II пристигнува следниот месец, а прво ќе може да пристапат играчите на PlayStation, а потоа и оние на Xbox конзолите и компјутерите.
Infinity Ward ги објави точните датуми во зависност од уредот кон кој е наменета играта и дали сте ја нарачале играта однапред или не, како што беше случајот со претходните бета-верзии.
Првата бета верзија за ран пристап ќе се одржи на 16-17 септември за играчите на PlayStation 4 и 5 кои однапред ја нарачале играта. Потоа ќе следи отворена бета за сите играчи на PlayStation, која ќе се одржи од 18 до 20 септември.
Pre-Order now for early access to the #MWII Open BETA!
The #MWII @Playstation Early Access Beta starts September 16, with Early and Open access Betas to follow on all platforms. https://t.co/cLMlBb41mV pic.twitter.com/2GZ0laKE9C
— Call of Duty (@CallofDuty) August 7, 2022
Што се однесува до „crossplay бета“ ќе се одржи од 22-23 септември за PlayStation, Xbox и PC за оние кои ја нарачале играта однапред, а од 24-26 септември за сите други играчи.
Исто така, навестена е нова карта со повеќе играчи, наречена Grand Prix, која е поставена на тркачка патека. Картата ќе може да се тестира и за време на бета верзијата.
Infinity Ward планира да открие повеќе детали за Call of Duty: Modern Warfare II за време на настанот Call of Duty: Next, кој ќе се одржи на 15 септември.
Call of Duty: Modern Warfare II ќе биде официјално објавен во целост на 28 октомври за PlayStation 4, PlayStation 5, Xbox One, Xbox Series X / S и PC (Battle.net и Steam).