Колачињата (cookies) се пригоден начин за пренос на информации од една на друга сесија, без оптоварување на веб-серверот.
Побезбедно и поодговорно користење на онлајн технологиите, особено заштитата на личните податоци на Интернет, е се поактуелна тема во светот. Корисниците се загрижени за можноста за злоупотреба на таканаречените колачиња, што може да ја загрози приватноста.
Што се интернет колачиња, за што се тие и дали можат да бидат опасни за приватноста на корисниците?
Колачињата се мали текстуални фајлови поставени на уредот што го користите за да ја прелистувате веб-страницата. Тие содржат мала количина на податоци специфични за одредена веб-страна и му служат на серверот и интернет прелистувачот за пристап до веб-сајтот.
Колачињата се одговорни да му обезбедат на корисникот одреден изглед на веб-страницата и помагаат да се олесни прелистувањето на Интернет, да се запамети кој дошол на страницата, што направил посетителот на страницата. Колачињата ги следат корисничкото име и лозинката, кој е најавен и другите параметри.
Колачињата се покажаа како пригоден начин за пренос на информации од една на друга сесија, без оптоварување на веб-серверот. На овој начин, колачињата придонесуваат за подобро корисничко искуство.
Преку колачиња, некои сајтови ги следат вашите преференции, на пример дали претпочитате да одите на сајтови за вести или дали сакате да одите на спортски сајтови. Ова исто така влијае на тоа како се појавуваат реклами кои би биле од поголем интерес за корисникот.
Овде доаѓаме до прашањето за безбедноста и приватноста на Интернет. Колачињата апсолутно не ја загрозуваат нашата приватност бидејќи во нив не се внесуваат лични податоци, така што нема страв дека некој евентуално ве шпионира преку колачиња.
Тие можат да бидат непријатни, бидејќи постојат различни колачиња кои ги следат сите настани и сè што правите на Интернет. Сепак, тие не можат да пренесуваат вируси, малициозен софтвер или слични малициозни закани.
Заклучокот е дека колачињата сами по себе не претставуваат закана за приватноста, бидејќи тие се создадени само за да се зачуваат информациите што корисникот ги поставува и презема од веб-серверот.
Ако сте загрижени за информациите што сте ги доставиле до серверот, тогаш прашањето е дали на прво место сте сакале да ги обезбедите. Колачињата се корисни и корисникот најдобро знае дали се штетни или корисни. Затоа е добро да знаете дека можете да управувате и контролирате колачиња.