Со цел да ја зајакне својата позиција во сегментот на електрични автомобили, американската компанија ќе биде поделена на дивизиите Ford Blue и Ford Model e, кои одделно ќе произведуваат класични и електрични автомобили

Ford America го објави стратешкиот план наречен Ford+, кој ќе ја забрза трансформацијата на компанијата, ќе помогне да се започне масовно производство на електрични возила, ќе го зајакне постоечкиот бизнис и на крајот ќе донесе додадена вредност. Поради овие причини, оваа компанија ќе биде поделена на два посебни дивизии, со сосема поинаков фокус, а овој потег е најавен како една од најголемите трансформации во автомобилската индустрија.

Ford Blue и Ford Model e

Ford Blue ќе продолжи да ги развива и произведува постоечките модели на автомобили со фосилни горива, со акцент на намалување на трошоците, поедноставување на производството и зголемување на квалитетот. Овој оддел ќе биде задолжен и за хардверското инженерство и производствените капацитети на целата компанија.

Наспроти оваа ќе биде Ford Model е дивизијата, чија задача ќе биде да ги забрза иновациите и испораките на нови електрични возила во форма на масовно производство. „Електричната“ дивизија ќе ги преземе и сите задачи за софтверски развој и технологија за поврзување за сите возила на Ford.

Секој трет Ford на струја до 2026 година.

Ford Blue и Ford Model e ќе работат како посебни деловни субјекти, но заедно ќе споделуваат технологии и искуства за подобрување на деловната ефикасност. Заедно со минатата година оформениот оддел Ford Pro задолжен за комерцијални возила, сите три дела од бизнисот на Ford во иднина ќе имаат свои организациски структури и ќе известуваат одделно за финансиските резултати, почнувајќи од 2023 година.

Една од целите на големата трансформација е да се донесе флексибилност во сегментот на електрични возила каков што сега се гледа во стартапите, со претходно стекната експертиза во масовното производство – да се помогне во справувањето со растечката конкуренција. Бизнис планот вели дека дивизијата Ford Model е ќе произведува повеќе од 2 милиони електрични автомобили годишно до 2026 година, т.е. дека дури една третина од вкупното производство на Ford во светот, за само четири години, ќе се однесува на електрични модели. Компанијата одлучи да инвестира дури 50 милијарди долари во оваа иницијатива за електрификација до 2026 година.