Пожелно е да го исклучувате Wi-Fi рутерот или барем опцијата на лаптопот или телефонот, како и Bluetooth и другите безжични конекции кога не ги користите. Во најмала рака, направете го тоа за да го продолжите животот на батеријата.
Најновите истражувања за мобилна технологија покажаа дека безжичните конекции, посебно Wi-Fi, треба да ги исклучувате навечер. Причината е во тоа што Wi-Fi сигналот ѝ штети на батеријата бидејќи уредот е постојано поврзан на мрежата без потреба.
Тоа го скратува животниот век на батеријата, но и нејзиниот капацитет што со тек на време опаѓа.
Ако вашите уреди поддржуваат прилагодување на работата на Wi-Fi конекцијата може да наместите да се исклучува навечер. Ако некој итно ве бара сигурно ќе ви се јави, нема да ве контактира онлајн.
Ако вашиот уред не нуди опција за автоматско вклучување и исклучување на Wi-Fi конекцијата, потсетете се да го направите тоа рачно. Стручњаците за овој вид технологија советуваат да го исклучувате и Wi-Fi рутерот кога не се користи интернет конекцијата за други уреди, за да се намали нивото на зрачење и стрес.