Пиратирањето, поточно симнувањето игри за компјутер сега може да стане туѓа алатка за рударење криптовалути.
Како што објави BBC, „бесплатните“ верзии на видеоигри како што се „GTA 5“, „NBA 2К-19“ и „PES 2018“ не се обични пиратски верзии на игрите, туку содржат вирус наречен „Креконош“, што го користи хардверот на други лица за рударење криптовалути и за заработка.
На пример, кога се презема пиратската „GTA 5“, компјутерот почнува да работи со поголем интензитет, забавува и троши повеќе енергија. „Креконош“, исто така, ги исклучува сите безбедносни програми на туѓиот компјутер, така што тој е изложен и на други вируси и малициозен софтвер.
Компанијата за интернет-безбедност, Avast наведува дека пиратските верзии на игрите се најчестиот начин на ширење на „Краконош“ и се бележат 800 напади дневно. Според статистиката, хакерите досега „ископале“ криптовалути во вредност од два милиони американски долари преку пиратски игри и туѓ хардвер.