Светската здравствена организација (СЗО) предвидува дека индиската мутација на коронавирусот ќе се прошири низ цела Европа, изјави шефот на регионалната канцеларија на СЗО за Европа, Ханс Клуге.
СЗО нагласува дека моментно оваа варијанта на вирусот предизвикува најсериозна загриженост, пред сѐ затоа што индиската мутација е поопасна, позаразна и може да инфицира дури и луѓе со силен имунитет.
Клуге упати совет до Европејците: и покрај стивнувањето на пандемијата, да не ги занемаруваат здравствените мерки. Тој изрази надеж дека искуството во борбата против Ковид-19 ќе помогне да се избегнат голем број грешки направени на почетокот на пандемијата, што ќе овозможи да се спасат животи.