Екипаж од тројца астронаути денеска полета кон Меѓународната вселенска станица (ISS), со капсула, во сеќавање на 60-годишнината од полетувањето на советскиот космонаут Јуриј Гагарин – првиот човек што отишол во Вселената.
Годишнината од историскиот лет на Гагарин – 12 април 1961 година, во Русија секоја година се слави како Ден на астронаутиката. Тој минал 108 минути во орбитата.
Космонаутите од руската агенција Роскосмос – Олег Новицки и Пјотр Дубров и Американецот од НАСА, Марк Ванде Хеј, утрово полетаа од рускиот космодром Бајконур во Казахстан. Вселенското летало „Сојуз МС-18“ беше и именувано по легендарниот космонаут, а портрет на Гагарин ја краси неговата површина.
LIVE: Watch three space travelers launch to the @Space_Station!
A Soyuz spacecraft with @Astro_Sabot & cosmonauts Oleg Novitskiy and Pyotr Dubrov aboard is set to lift off at 3:42am ET on a three-hour journey to our orbiting lab: https://t.co/nJnT3sGW89 https://t.co/nJnT3sGW89
— NASA (@NASA) April 9, 2021
“Кога првпат почнувавме, се натпреварувавме едни со други, и тоа беше една од причините што бевме толку успешни на почетокот на човечкиот вселенски лет. Со текот на времето, сфативме дека можеме да завршиме многу работа заедно… Се надевам дека ова ќе продолжи и во иднина”, рече Ванде Хеј.
Но, 60-годишнината доаѓа во тешко време, кога руската вселенска индустрија претрпе низа неуспеси, од скандали со корупција до прекинат полет и одложување на мисија со екипаж во 2018 година.