Руски научници вчера спуштија подводен вселенски телескоп во Бајкалското Езеро за да можат да ги испитаат неговите длабочини.
Телескопот Бајкал ГВД е изграден од 2015 година со цел да се набљудуваат неутрините, најмалите познати честички. Телескопот е спуштен на длабочина од 750 до 1.350 метри, на околу четири километри од брегот.
Неговите оптички модули ќе го набљудуваат дното на езерото и ќе бараат неутрини, единствените честички што кората на земјата не ги запира.
„Бајкал“ ќе се натпреварува со „Ледена коцка“ (Ice Cube), опсерваторија за неутрини која се наоѓа во американската истражувачка станица на Антарктикот.
Руските научници потврдија дека нивниот телескоп е најголем на северната хемисфера. Според нив, Бајкалското Езеро е идеално место за истражување поради неговата длабочина.
Телескопот „Бајкал“ е резултат на соработка меѓу научници од Русија, Чешка, Словачка, Германија и Полска.