Google подготвува ажурирање за Android TV, а повеќето иновации се поврзани со дизајнот, кој ќе изгледа слично на оној на Google TV и Chromecast.

На горниот дел од менито, пренесува порталот The Verge, ќе има истакната содржина, а иконите што многу корисници сега ги сметаат за премногу големи, ќе ги заменат минималистички јазичиња.

Се разбира, не е сè баш исто – сепак има некои разлики. Корисничкиот интерфејс на Android TV ќе има три главни јазичиња: Home ќе се користи за брз пристап до канали, Apps, логично, за апликации, а јазичето Discover ќе содржи персонализирани предлози за емисии, филмови, серии итн.

Ажурирањето на Android TV постепено ќе пристигнува на телевизорите ширум светот. Прво ќе биде достапен за САД, Австралија, Канада, Германија и Франција, а потоа ќе стигне и до другите делови на светот, соопшти компанијата Google.

Извор: B92.net