Според информациите, MediaTek работи на Dimensity 2000 5nm и Dimensity 1200 6nm чип. Ова го сугерира дојавувачот Digital Chat Station. Dimensity 1200 се очекува во текот на првиот квартал на оваа година во телефоните на Oppo и Vivo.
Од друга страна, Dimensity 2000 се очекува во текот на првиот квартал од 2022 година и ќе ги користи ARM Cortex X2, ARM Cortex-A79 CPU и ARM Small G79 GPU, кои ќе бидат претставени подоцна оваа година.
MediaTek претходно потврди дека ќе претстави нов 6nm 5G SoC, со процесор Cortex-A78 со такт од 3GHz, а тоа ќе биде моделот Dimensity 1200.
AnTuTu бенчмарк резултатите од претходно покажаа дека Dimensity 1200 покажува подобри резултати од Snapdragon 865. Чипсетот ќе користи четири Cortex-A78 и четири Cortex-A55 јадра, GPU Mali-G77 и поддршка за LPDDR5 RAM и UFS 3.1 складирање.