Nintendo овој ноември посебно ги израдува носталгичарите, претставувајќи ја една од најстарите рачни играчки конзоли, Game & Play од осумдесеттите години.
Преносната конзола Game & Watch прв пат беше претставена во 1980. година и се произведуваше до 1991. година, а во многу е одговорна за успехот на Nintendo. Оваа конзола беше далеку од она што Nintendo денес ги нуди низ своите најпродавани игри.
Nintendo ја продаваше рачната видео игра Game & Watch пред светот да се заљуби во Game Boy. Ако сте мислеле дека новиот Game & Watch ќе биде многу помодерен и посовремен, се мамите. Јапонскиот производител не сакаше многу да го менува оригиналниот изглед на конзолата, освен што вгради LCD екран во боја.
Game & Watch во новата верзија се полни преку USB-C кабел, а достапен е во црвен и златен дизајн. Доаѓа со три Super Mario игри, и тоа Super Mario Bros., Super Mario Bros.: The Lost Levels и играта Ball во која се појавува Mario, а која остана во црно-бела боја.
Продажбата на рачната конзола Game & Watch е лимитирана, а уредот чини 49,99 долари.