Екипата на „360 степени“ доби увид во резултатите од компјутерска томографија на кои може да се видат белите дробови на пациент од Македонија заразен со коронавирус.

„Како да имаат срчи, како да имаат стакло во белите дробови“, вели професор доктор Дејан Докиќ и открива дека пациентот имал плитко дишење, болки во градите и сите мускули, висока температура, кашлица и слабост, поради што веројатно веќе е приклучен на респиратор.

Како што појаснува професорот Докиќ, поради слабиот доток на кислород во крвта, страдаат сите органи, меѓу кои најмногу мозокот. Доколку дојде до најтешката форма, докторот вели дека се распаѓаат белите дробови, поради што пациентите се приклучуваат на респиратор.

„Тие пациенти толку тешко и плитко дишат, практично се гушат како риба на суво“, објаснува професорот Докиќ за “360 степени“.

Извор: „360 степени“