Руската државна корпорација „Ростех” направи скафандер за заштита од вируси и други биолошки закани. Цената на заштитното одело ќе биде околу две илјади рубли (околу 22 евра).
Скафандерот ги покрива телото и главата. Направен е од двоен слој материјал и тежи само 500 грама. Скафандерот може да се користи заедно со други средства за индивидуална заштита.
„Скафандерот пред сé е наменет за медицински работници. Можат да го користат и други луѓе кои контактираат со голем број луѓе поради својата работа и се најмногу изложени на ризик од зараза. Сега ги подготвуваме документите за сертификација на овој производ и примаме нарачки. Постои интерес, меѓу другото, од страна на индустриските претпријатија кои водат сметка за здравјето на вработените“, изјави извршниот директор на „Ростех” Олег Евтушенко.
„Росхимзашчита”, компанијата-ќерка на корпорацијата, веќе почна со пробно производство на скафандерот.
Претставникот на „Ростех“ во коментарот за РИА „Новости” истакна дека цената на ваков скафандер ќе биде околу две илјади рубли.
Извор: Russia Beyond