Johnson & Johnson и Apple објавија дека спроведуваат нова студија наречена Heartline. Таа има за цел да утврди дали Apple Watch може да помогне во намалувањето на ризикот од мозочен удар и откривање на атријална фибрилација во претходна фаза, пренесува CNBC.
Атријалната фибрилација е главна причина за мозочен удар, но Johnson & Johnson велат дека може да биде тешко да се дијагностицира затоа што луѓето честопати не успеваат да ги детектираат симптомите.
Во декември 2018 година, Apple започна да нуди откривање на атријална фибрилација во Apple Watch Series 4. Функцијата им овозможува на корисниците да направат краток тест со помош на Apple Watch за да видат дали го имаат засегнатиот симптом. Корисниците потоа можат да ги однесат резултатите на лекар за да се анализираат понатаму и да извршат тестови ако е потребно.
Во последните неколку години, Apple ги постави темелите за воведување нови здравствени функции и спроведување на истражувања за своите производи. Компанијата смета дека здравството е една од клучните области за раст во иднина, ангажирајќи десетици лекари за да му помогнат да додаде повеќе карактеристики на своите производи.