Технолошката компанија Mopic, специјализирана за 3D и VR технологија ќе прикаже неколку возбудливи производи на саемот CES во Лас Вегас во јануари. Тука спаѓаат 3D билборд, 3D монитор и филм кој прикажува 3D слика на екранот на таблетот.
Потенцијал за масовна примена има во развојот на таблет уредите. Филмот HoloGlass е во состојба да направи 3D таблет со 3D/VR екран. HoloGlass технологијата е во состојба од обичен таблет да направи 3D и VR уред. Филмот се фиксира на дисплејот и го претвора во 3D-дисплеј.
Корисниците на оваа иновација можат да уживаат во 3D глетка без да носат специјални очила. Токму потребата за очила го ограничува ширењето на 3D-технологијата само на кино салите.
Втор интересен производ на Mopic е 32-инчниот 3D дигитален сигнал со 4К резолуција. Волуметриската слика прикажана на него може да се види без очила под различни агли. Според производителот, панелот дозволува „исклучителни рекламни ефекти“.
Третата иновација на корејската компанија е 27-инчен 3D-монитор со резолуција од 4K. Мониторот користи прецизна технологија за следење на очите, за да создаде чувство на волумен кога се гледа од различни агли.
Мониторот може да се користи поврзан со компјутер преку HDMI интерфејс за прегледување на податоците во реално време, но исто така е способен да функционира целосно офлајн – без компјутерска врска.