Иако веќе пишувавме дека на 10. декември ќе биде укината официјална поддршка на Microsoft за нивниот сега веќе речиси изгаснат оперативен систем Windows 10 Mobile, тоа сепак не се случи.
Компанијата од Редмонд се предомисли и одлучи да ја продолжи поддршката, но не за долго, бидејќи новиот официјален датум на престанок на поддршката за платформата е 14. јануари. На овој датум, Windows 10 Mobile ќе го добие статусот end-of-life (EOL).
Последната верзија на Windows 10 Mobile системот ќе биде верзијата 1709. По споменатиот 14. јануари, корисниците на Windows 10 Mobile и Windows 10 Mobile Enterprise системите повеќе нема да добиваат безбедносни надградби, како и надградби кои ја подобруваат стабилноста и корисничкото искуство. На истиот ден, значи 14. јануари, Microsoft ја гаси и својата официјална поддршка за оперативниот систем Windows 7.