Суперсоничниот Bloodhound надмина брзина од 800 км/ч (ВИДЕО)

Суперсоничниот автомобил Bloodhound (ловечко куче) успеа во фаза на тестирањата да ja пробие бариерата од 800 километри на час. Но, целта е многу поголема брзина.

На тестирањата во Јужна Африка, возилото достигна брзина од 806,3 километри на час. Овој специјален автомобил со млазен мотор позајмен од воениот авион „Јурофајтер тајфун” до рекордот го доведе Енди Грин, возачот кој со, исто така – специјално направениот „Траст СХЦ“ уште пред 22 години го постави и сега важечкиот рекорд од 1.228 километри на час.

Проектот Bloodhound има за цел – создавање пософистициран ракетен мотор уште во наредната 2020 година.

Следната цел на конструкторската екипа е брзина од 1.000 милји на час, односно 1.609 километри на час.