Се појавија фотографии во кои се прикажува во живо наводниот Google Pixel 4. Линијата Pixel 4 ќе биде официјално објавена во октомври, а новите фотографии одблизу ни ги прикажат предниот и задниот дел од телефонот.
Фотографиите се совпаѓаат со претходно протечените рендери и информации. Во горниот лев агол на екранот може да се види логото на Sprint, што покажува дека телефонот се тестира на мрежата на популарниот американски провајдер.
Новата позадина е исто така видлива, додека полињата за навигација и за Google Assistant потврдуваат дека телефонот работи на оперативниот систем Android 10.
Се чини дека Google одлучи да не го имплементира дизајнот со две бои во Pixel 4, но задниот дел е сепак направен од стакло. На горниот лев агол, од задната страна, е квадратен модул со две камери и блиц. Ако гласините се точни, се очекува главна камера со 12MP и телефото камера со 16 MP.
Сигурно е дека во наредните недели и месеци ќе имаме уште повеќе информации за линијата на Google Pixel 4 телефоните.