NASA забележа една мистериозна вселенска галаксија во форма на “медуза”. Непознато е како оваа галаксија заврши со своите пипци и џиновска опашка на жешките гасови, но напредниот космички телескоп на NASA, James Webb Space Telescope, ќе ја испита космичката маса кога ќе почне да орбитира во 2021 година.
Со космичкиот телескоп астрономите ќе можат да истражат како гасот се отстранува од галаксијата и зошто ѕвездите се развиваат во гасната опашка.
Галаксијата “медуза”, позната како ЕСО 137-001, е спирална галаксија, која е речиси иста со големината на Млечниот Пат и се наоѓа на околу 220 милиони светлосни години од нашата планета. Неговата долга топла гасна опашка се протега низ 260.000 светлосни години на вселената и содржи многу новородени ѕвезди. Првите слики од “медузата” беа добиени од вселенскиот телескоп Hubble пред пет години.