Компанијата „Самсунг“ во Јужна Кореја почна со продажба на телефонот Samsung Galaxy S10 5G, кој е првиот паметен телефон со можност за поврзување на 5Г-интернет.
Сепак, овој телефон во моментот е достапен само за корисниците во матичната земја на компанијата, известува порталот Tech Radar.
Јужна Кореја вчера официјално ја лансира 5Г-мрежата два дена пред планираното и стана првата земја што ја вовела оваа технологија.
Државата, која важи за технолошка сила, воведувањето на 5Г-мрежата го постави како свој приоритет кој ќе придонесе за зајакнување на економијата и ќе овозможи 20 пати побрза поврзаност со интернет.