Мистериозната дупка се појавила пред неколку дена на небото Обединетите Арапски Емирати, а бројни корисници на социјалните мрежи изразиле сомнение дека станува збор за инвазија на вонземјани. Минатите денови жителите на ОАЕ се обиделе да откријат што се крие зад мистериозната дупка на небото над градот Ал Аин.

Социјалните мрежи биле преплавени од снимки и фотографии од овој феномен, а луѓето кои ги споделувале на интернет не можеле а да не се запрашаат дали навистина вонземјаните одлучиле да дојдат на Земјата, пренесува “Sputnik”.

Еден жител на ОАЕ напишал дека небото изгледа како “Бог да фрлил камен во езеро”, запрашувајќи се дали станува збор за некое претскажување. Меѓутоа, научниците брзо ја разоткриле мистеријата, објаснувајќи дека феноменот не бил ни божествен ни вонземјански.
Станува збор за “дупка за пукање” или “облак за бушење на дупки”, кој се јавува кога капки вода во студена состојба кои се предизвикани од авионите кои минуваат низ облакот.
Кристалите од мраз тогаш почнуваат да паѓаат, предизвикуваат испарување на капките, што остава масивна дупка во средината на облакот.
Извор: B92.net