Авторитетниот инсајдер Еван Блас, познат на интернет под прекарот @evleaks, објави видео-демонстрација на мистериозниот флексибилен паметен телефон кој сите го очекуваат со нетрпение. Според него, станува збор за уред од компанијата Xiaomi. Самиот уред е радикално различен од веќе познатите проекти.
„Не можам да кажам ништо за автентичноста на ова видео или уред, но овој уред е наводно направен од Xiaomi“, напиша Еван Блас на Твитер.
Во неразвиената состојба, смартфонот има голем дијагонален дисплеј и е споредлив со големина на компактен таблет. Најинтересно е што неговиот екран условно се состои од три дела, од кои два се свиткани, па некако се добива мал паметен телефон. Ова решение е различно од она што го видовме во веќе презентираниот FlexPai и најавениот уред од Samsung.